'أمثـــــــــال دارفوريــــــــــة "

للامثال الدارفورية معاني ودلالات كلها حكم ونصائح ومواعظ وإرشاد فلا يكاد المرء يدرك كنهها إلا من هو جزء من إنسان دارفور أو عاش بينهم أو إحتك فيهم ، وإليكم بعضعاً مما ورثناه عن أسلافنا السابقين ونرجو من الجيل الحالي الإحتفاظ بها حتي نرثها من هم قادمون بعضنا :

1. جايين من دار فنقرو ، سلّوا سكاكينهم ودنقرو .

2. النصيحة قرضاي في رأس الدابي ياتو بسلّي .

3. للحلول ما تمشي بخاطر زول .

4. الرجال دناقر ولا كبر عناقر .

5. أبلآي برقبتو بربطو في صلبو مالو .

6. دابي كن في خشمو جرداي ولا بعضي .

7. شجرة كن حوززت يا ابلآي يا هبوباي .

8. ابو القدح بعرفي محل بعضي اخيّو .

9. التسوّيه تلقاه .

10. قرضاي في راس الدابي ياتو بسلّي .

11. سيد الحق راضي شن دخل القاضي .

12. حلا بالايد ولا حلا بالسنون .

13. الما ضاق ايدك ما بيبقي رفيقك .

14. كلام بين زولين شن دسه والرابع دقوا القاضي .

15. ام صلمبايتي ولا كدكاي زول .

16. جقلو ولامشي عرجة .

17. دنيا دبنقا دردقي بشيش .

18. اخوك كن زينو بلّي راسك .

19. جراداي في سروال ولابعضي الا قعادو ولا حلو .

20. كلاب كن داوسو بخت الارنب .

21. ابو امبجع لو ما ضاق الوجع ما بشيل عيالو وينجع .

22. البياكل وحيدو بينخنق .

23. اللقمة الكبيرة بتفرق الضرع .

24. المي حامي ولا لعب قعونج .

25. ابو جنقور في فاشر ولا جواد .

26. الفاتك مال فاتك راي .

27. الحش ما بجم ابوه من الشيل .

28. الشايل عويش فوق ضهرو ما بداوس .

29. الغزال بربطو في عصبه .

30. الما عندو دنب الله يحاحي ليها .

31. البرقص ما بغطي دقنه .

32. التور كن توي العجال بلحسن خورانه .

33. المسامح كريم .

34. السلام امان .

35. بلداً ما بلدك ارنب بياكل عيالك .

36. الحار ما بداويه الا الحار .

37. قرضاي في راس الدابي ياتو بسلّي .

38. الشوكاية بسلّوه ببكان قدّو .

39. مافي دخان بدون نار .

40. مافي طق بدون شق .

41. القنطور اصلو تراب .

42. شيل ود الدرب ولو كان لوضة واخد بت العم ولو كان قدوه .

43. زرع الدرب وترباي الكلب وزواج هامل دار الغرب منشانهم ما تنكرب .

44. سفر الخريف واكل التفاتيف وراكوبة في الخريف وزواج بت المراة اللفيف ابعد منهم واقيف اقيف .

45. اخد المرة البتراشيك والبس الخلق الابيض ولو ما كايسك .

46. اخد المرة الزرقة لت والمرة التخينة والمرة الطويلة .

47. اخت بت العم تشيل الهم .

48. اسكن البلد الشبيعة والبس الجبة الوسيعة وآخد المرة المطيعة كلها للعمر تمتيمة .

49. تلاتة ما ترفع منهم عصا المرة والنقارة والحمارة .

50. حلاة العيال في الصبا .

51. عوين كن داوسو ابقيى طرف .

52. ضل راجل ولا ضل حيطة .

53. الطاقية كن وقعت من الراس الكتف بتتلقاها .

54. الشدرة كن ميلت بتتكي في اخيته .

55. الاصبع الواحد ما بتغطي الوجه .

56. ايد لايد تجدع بعيد .

57. الفقرا اتقاسمو النبقة .

58. النفوس لو اطايبت العنقريب بتشيل مية .

59. عيش الكرم حامي .

60. كلاب كن داوسو بخت الارنب .

61. كولايتك ولا تقلية اختك .

62. النصيحة قرضاي في راس الدابي ياتو بسلّي .

63. البدسي ايدو في حجر دابي بعضي .

64. كان ماشي لفت .

65. للحلول ماتمشي بخاطر زول .